5. bekkur og foreldrar saman
Vertu þú sjálf/sjálfur
Fræðslufundirnir fara fram í grunnskóla á skólatíma og er um að ræða sameiginlega fundi fyrir foreldra og börn.
Forvarnarfulltrúi Marita mun ræða fyrst við hópana saman en skipta síðan upp í hópa, foreldra sér og svo börnin sér.
Nemendahlutinn:
- Markmiðið með verkefninu fyrir nemendur í 5. bekk er að styrkja og efla börn í samvinnu við foreldra og skóla til að taka afstöðu með heilbrigðum lífsstíl og styrkja sjálfsmynd barna þannig að þau geti og kunni að standa á móti hugsanlegum þrýstingi á unglingsárum varðandi vímugjafa.
- Að fá þau til að skilja mikilvægi þess að taka sjálf skýra afstöðu og hvernig sterk sjálfsmynd hefur áhrif og hvernig styrkja má sjálfsmyndina.
- Einnig er farið inn á netnotkun og talað um af hverju ofbeldisleikir eru taldir óæskilegir fyrir börn (alla undir 18 ára)
Foreldrahlutinn:
- Foreldrar verða fræddir um mikilvægi samstöðu á milli foreldra næstu 8 árin og um þær hættur sem geta leynst á þeim árum sem framundan eru.
- Mikilvægi góðrar næringar, tölvunotkun, ofbeldi í tölvuleikjum, sjónvarpsþættir, Facebook o.fl.
- Einnig verður farið yfir svokallað “Vinatré”.
- Þetta er ný nálgun sem hvetur foreldra til samstöðu sín á milli.
